ICT Week Uzbekistan 2025: Ichki ishlar vazirligi raqamli maʼlumotlar ekotizimini rivojlantirishda eng yaxshi hamkor sifatida taqdirlandi
2025-09-27 09:00:00 / Yangiliklar
ICT Week Uzbekistan 2025 haftaligi doirasida davlat boshqaruvi, iqtisodiyot va jamiyat hayotiga raqamli texnologiyalarni joriy etishda katta yutuqlarga erishgan, faol va tashabbuskor tashkilotlar munosib ravishda taqdirlandi.
Gʻoliblar quyidagi nominatsiyalar boʻyicha aniqlandi:
“Fuqarolarga eng qulay xizmat koʻrsatayotgan tashkilot” — Ijtimoiy himoya milliy agentligi;
“Startap ekotizimi rivojlanishiga katta hissa qoʻshgan tashkilot” — Oʻzbekiston Respublikasi Markaziy banki;
Davlat mablagʻlarini shaffof boshqarishda raqamli yutuqqa erishgan tashkilot» — Oʻzbekiston Respublikasi Hisob palatasi;
“Metallurgiya sanoatida ishlab chiqarish jarayonlarini faol raqamlashtirayotgan xoʻjalik birlashmasi” — “Oʻzmetkombinat” AJ;
“Hududda raqamli rivojlanish boʻyicha yuqori koʻrsatkichlarga erishgan hokimlik” — Toshkent viloyati hokimligi;
“Yilning eng foydali davlat xizmatini joriy qilgan tashkilot” — “Kredit-axborot tahliliy markazi” kredit byurosi;
“my.gov.uz portalini rivojlantirish boʻyicha eng yaxshi hamkor davlat tashkiloti” — Oʻzbekiston Respublikasi Adliya vazirligi;
“Raqamli maʼlumotlar ekotizimini rivojlantirish boʻyicha eng yaxshi hamkor davlat tashkiloti” — Ichki ishlar vazirligi;
“Davlat mulkini boshqarishda raqamlashtirish orqali shaffoflik va samaradorlikni taʼminlagan tashkilot” — Davlat aktivlarini boshqarish agentligi;
“Saylov jarayonlarini raqamlashtirish boʻyicha eng yaxshi hamkor tashkilot” — Oʻzbekiston Respublikasi Markaziy saylov komissiyasi;
“Xorijda ishlash jarayonlarini onlayn tashkil etish boʻyicha eng yaxshi hamkor davlat tashkiloti” — Migratsiya agentligi;
“Temir yoʻl sohasida elektron xizmatlarni amalga oshirish boʻyicha eng yaxshi hamkor tashkilot” — “Oʻzbekiston temir yoʻllari” AJ;
“Jamoat transporti xizmatlarini raqamlashtirishda katta hissa qoʻshgan kompaniya” — “Avtomatlashtirilgan transport toʻlov tizimi operatori” AJ;
“Davlat xizmatlariga toʻlovlarni amalga oshirishda qulay va innovatsion yondashuvga ega toʻlov tashkiloti” — “Uzum bank” AJ;
“Raqamli toʻlov ekotizimini rivojlantirishdagi yetakchi kompaniya” — “PAYME” AJ.
Gʻoliblarga taqdirlov yorliqlari, statuetkalar va esdalik sovgʻalari topshirildi.
Barcha gʻoliblarni tabriklaymiz! Ularning tajribasi va yutuqlari mamlakatimiz raqamli transformatsiyasi yoʻlida muhim ahamiyat kasb etadi.
Raqamli hukumat loyihalarini boshqarish markazi