Surxondaryo viloyati Qiziriq tumanida tungi faoliyatni oʻrganish davomida mahallalarda kriminogen vaziyatni yaxshilash hamda aholi osoyishtaligini taʼminlashga qaratildi
2025-09-26 12:05:00 / Yangiliklar
Dastavval, Qiziriq tumani hokimiyati binosida Surxondaryo viloyati IIB boshligʻi polkovnik Timur Ismailov ishtirokida tuman hokimi, prokurori, IIB, Soliq boʻlimi boshliqlari hamda boshqa tashkilot va idoralarning masʼul rahbarlari bilan tuman hududida jinoyat va huquqbuzarliklarning barvaqt oldini olish, jamoat tartibini saqlash, aholi xavfsizligini taʼminlash hamda boshqa ijtimoiy masalalarda mavjud muammolarni bartaraf etish chora-tadbirlari muhokama etildi.
Shundan soʻng, tumanning “Doʻstlik” hamda “Shodlik” mahallalari “yettiligi” faoliyati bilan yaqindan tanishilib, jinoyat va huquqbuzarliklarni barvaqt oldini olish, fuqarolar xavfsizligini taʼminlash borasida yaratilgan sharoitlar koʻzdan kechirilib, “Qalqon” jamoatchilik tuzilmasiga yoʻriqnoma oʻtkazildi.
Mazkur mahallalarda tungi xizmatga jalb etilgan yettilik va jamoatchilik bilan suhbatlashib, hududni raqamlashtirish va jinoyatchilikka qarshi kurashish borasidagi taqdimoti tinglanib, “ijtimoiy profilaktik” tadbirlarni manzilli oʻtkazish, jinoyat va huquqbuzarliklar sodir etilishiga yoʻl qoʻymaslik, mahallani xavfsiz hududga aylantirish, yoʻl harakati xavfsizligini taʼminlash, aholi koʻp toʻplanadigan joylarni kameralashtirish, ishsizlar sonini kamaytirish, fuqarolarning kiber jinoyatlar qurboni boʻlib qolishining oldini olish, mahallani raqamlashtirish “ijtimoiy profilaktik” tadbirlarni manzilli oʻtkazish, Prezidentimizning 2025-yil 3-yanvardagi PQ-1-sonli qarori ijrosi, Respublika miqyosida oʻtkazilayotgan “Xavfsiz hudud-dolzarb 20 kunligi” keng qamrovli profilaktik tadbiri doirasida, ijtimoiy profilaktika hamda mahalla yettiligi hamkorligida amalga oshirilishi lozim boʻlgan ishlar yuzasidan tegishli tavsiya va koʻrsatmalar berildi
Oʻrganishning keyingi manzili “Yangikent” mahallasi hududida joylashgan 30-sonli umumiy oʻrta taʼlim maktab hududini tungi vaqtda xavfsizligini taʼminlash bilan bogʻliq faoliyati, kuz-qish mavsumiga tayyorgarlik ishlari oʻrganilib, qoʻriqlov pultiga ulanganligi tekshirildi hamda oʻquvchilar oʻrtasida davomat, huquqbuzarliklarni barvaqt oldini olish yuzasidan koʻrsatmalar berildi.
Tumandagi oʻrganish davomida, “Shodlik” mahallasida joylashgan tuman IIB binosida, xodimlar tomonidan jinoyatchilikni oldini olish borasida olib borilayotgan ishlar bilan tanishilib, tuman IIBda xizmat olib borayotgan xodimlarga yoʻriqnoma oʻtkazilib, xodimlar uchun yaratilgan shart-sharoitlar boʻyicha kelgusida amalga oshirilishi lozim boʻlgan ishlar koʻrsatib oʻtildi.
Shuningdek, Qiziriq tumanlararo qoʻriqlash boʻlimi binosi va xodimlarning tungi vaqtda fuqarolar va davlat tashkilotlarining xavfsizligini taʼminlash bilan bogʻliq faoliyati, qoʻriqlov pultiga ulash yuzasidan olib borilayotgan ishlar bilan tanishildi.
Boshqarma boshligʻi tomonidan aniqlangan kamchilliklarni zudlik bilan bartaraf etish yuzasidan viloyat hamda shahar IIB masʼullariga tegishli topshiriq va koʻrsatmalar berildi.
Viloyatning barcha hududlarida aholi osoyishtaligini taʼminlashga qaratilgan tungi faoliyatni oʻrganish ishlari davom etmoqda.
Surxondaryo viloyati IIB Axborot xizmati