Namangan viloyati Davlatobod tumanida tungi xizmatga jalb etilgan xodimlarning faoliyati oʻrganildi
2025-09-26 10:55:00 / Yangiliklar
Ichki ishlar vazirligi va boshqarma rahbariyati tomonidan viloyatning barcha hududlarida xodimlarning kunduzgi hamda tungi xizmat faoliyatlari oʻrganilib, jinoyatchilik va huquqbuzarliklarning barvaqt oldini olish yuzasidan xizmatni samarali tashkil etish boʻyicha topshiriqlar berilib, aniqlangan kamchiliklar boʻyicha amaliy yordam koʻrsatilmoqda.
Jumladan, bugun Ichki ishlar vazirligi va Namangan viloyati IIB rahbariyati tomonidan Davlatobod tumanidagi “Yangi Oʻzbekiston bogʻi” hududida tungi xizmatga jalb etilgan xodimlarga yoʻriqnoma oʻtkazildi. Unda aholi tinchligi va hudud osoyishtaligini taʼminlash, yoʻllarda harakat xavfsizligini kafolatlash hamda boshqa muhim masalalar yuzasidan aniq topshiriqlar berildi.
Shuningdek, tumanning “Yuqori Gʻirvon” mahallasida joylashgan “Afsonalar bogʻi” tematik parki va koʻp qavatli uylar atrofida koʻrilgan xavfsizlik chora-tadbirlari hamda shu yoʻnalishda xizmat olib borayotgan xodimlarning faoliyati oʻrganildi va ularga qoʻshimcha koʻrsatmalar berildi.
Bunday tungi oʻrganish ishlari tizimli ravishda davom ettirilmoqda.
Namangan viloyati IIB Axborot xizmati