IIV Akademiyasi professor-oʻqituvchilari tomonidan mahallalarni oʻrganish jarayonida huquqiy targʻibot tadbirlari oʻtkazilmoqda
2025-09-25 17:35:00 / Yangiliklar
Shunday uchrashuvlardan biri “Toshkent irrigatsiya va qishloq xoʻjaligini mexanizatsiyalash muhandislari instituti” milliy tadqiqot universitetida tashkil qilindi.
Taʼlim muassasasi rahbariyati, talaba yoshlar, “mahalla yettiligi” hamda akademiya ishchi guruhi vakillari ishtirok etgan tadbirda “Mirzo Ulugʻbek” mahallasining kriminogen vaziyatiga salbiy taʼsir koʻrsatayotgan omillar muhokama qilindi.
Soʻzga chiqqanlar mahallada huquqbuzarliklarning barvaqt oldini olish va kriminogen vaziyatni yaxshilash borasida amalga oshirilayotgan keng qamrovli ishlar, yoshlar jinoyatligining asl omillari, ular tomonidan koʻp sodir etilayotgan huquqbuzarliklar va ularning oldini olish choralariga toʻxtalib oʻtdi.
Shuningdek kibermakondagi xavf-xatarlar, giyohvandlik va diniy aqidaparastlikning oqibatlari, huquqiy madaniyat va maʼnaviy immunitetni oshirish yoʻllari tushuntirilib, talabalar ogohlikka chorlandi.
Tadbir yakunida universitet rahbariyati, mahalla faollari va akademiya professor-oʻqituvchilari yoshlar tarbiyasiga qaratilgan tadbirlarni muntazam oʻtkazib turishga kelishib oldilar.
IIV Akademiyasi Axborot xizmati