O‘zbеkiston Rеspublikаsi Ichki ishlаr vаzirligi

Ichki ishlar vazirligi rahbariyati tomonidan Qorovul qoʻshinlari qoʻmondonligi harbiy qism shaxsiy tarkibining jangovar xizmat oldi tarqatuvida ishtirok etib, Yurtboshimiz rahbariligida Ichki ishlar idoralari tizimida olib borilayotgan ijobiy oʻzgarishlar, jinoyatchilik, huquqbuzarlikka qarshi kurash tizimida olib borilayotgan ishlar haqida toʻxtalib oʻtib, muddatli harbiy xizmatchilarga harbiy xizmatni muvaffaqiyatli yakunlab ota-onasini bagʻriga eson omon qaytishini, har bir harbiy xizmatchi harbiy Intizomga qatʼiy rioya etishini harbiy xizmatchilarga masʼuliyatni yanada kuchaytirgan holda xizmatlarni olib borishni taʼkidladilar.

Tarqatuvdan soʻng, harbiy qismda harbiy xizmatchilar uchun yaratilgan shart-sharoitlar holati bilan tanishib, maʼmuriy binolar hamda harbiy xizmatchilarning yotoqxonalari, avto xoʻjalik boʻlimlari va harbiy texnikalar koʻzdan kechirilib, harbiy xizmatchilarga jangovar xizmatni Nizom talablari asosida olib borishlari, harbiy xizmatchilarga xizmat qilishlari uchun barcha shart-sharoitlar yurtboshimiz tomonidan yaratilganligi aytib oʻtdilar.

Shuningdek, IIV rahbariyati tomonidan harbiy qismda amalga oshirilayotgan ishlar koʻzdan kechirilib, kelgusida bajarilishi lozim boʻlgan ishlar yuzasidan mansabdor shaxslarga aniq vazifa va topshiriqlar belgilab berildi.

Vazir oʻrinbosari navbatdagi manzil yoʻnalishi boʻyicha 5- son jazoni ijro etish muassasasida boʻldi. Muassasada shaxsiy tarkib va mahkumlarga yaratilgan shart-sharoitlarni koʻzdan kechirib, amalga oshirilishi lozim boʻlgan ishlar yuzasidan masʼullarga tegishli koʻrsatmalar berdi.

Oʻrganishlar davomida mahkumlar bilan ham suhbatlashib koloniyada yaratilgan imkoniyatlardan unumli foydalanish, kasb-hunar oʻrganish, kelgusida jamiyat uchun foyda keltiradigan, oʻz oʻrniga ega boʻlgan shaxs boʻlib yetishish lozimligini taʼkidlandi.

Navoiy viloyati IIB Axborot xizmati