Ichki ishlar vazirligi rahbariyati “Xavfsiz hudud – dolzarb 20 kunlik” keng qamrovli tezkor-profilaktik tadbiri doirasida Andijon viloyatida amalga oshirilayotgan ishlar bilan yaqindan tanishdi
2025-09-24 09:00:00 / Yangiliklar
Xususan, Qoʻrgʻontepa tumanidagi kriminogen vaziyati murakkab boʻlgan “Yangi hayot” MFYda joylashgan Shahrixonday, Yuksalish va Yangi Hayot mahallalariga xizmat koʻrsatuvchi Huquq tartibot maskaniga tashrif buyurib, “mahalla yettiligi” aʼzolari bilan jinoyatchilik va huquqbuzarliklarni oldini olish, mahallalarda xavfsiz muhit yaratish borasida hamkorlikda olib borilayotgan ishlar oʻrganildi.
Shuningdek, aholi gavjum maskanlarga ham tashrif buyurib, bozor hududida oʻgʻirlik, firibgarlik va boshqa turdagi jinoyatlarni oldini olish borasida olib borilayotgan ishlar bilan yaqindan tanishildi.
Shuningdek, Qoʻrgʻontepa tumanining “Shahrixonsoy” mahallasida joylashgan Qoʻriqlash boʻlimi binosiga tashrif buyurilib, xodimlarga yaratilgan shart-sharoitlar hamda qoʻriqlovga olingan obyektlarni ishonchlik qoʻriqlash borasida olib borilayotgan ishlar oʻrganildi.
Bundan tashqari, Andijon shahridagi kriminogen vaziyati ogʻir boʻlgan “Mustaqillik” va “Oʻzbegim” mahallarida oʻrganishlar olib borilib, ushbu mahallaga xizmat koʻrsatuvchi “mahalla yettiligi” vakillarining ish faoliyati tanqidiy muhokama qilindi hamda mutasaddilarga tegishli topshiriqlar berildi.
IIV Jamoat xavfsizligi departamenti Axborot xizmati