O‘zbеkiston Rеspublikаsi Ichki ishlаr vаzirligi

Ichki ishlar organlarida xodimlarning kasbiga boʻlgan ijobiy yondashuvini shakllantirish, mahoratlarini oshirib borishga ragʻbat, sohaviy xodimlar oʻrtasida ijobiy raqobatni tarbiyalash, bilim va koʻnikmalarini oshirishga intilishini kuchaytirish maqsadida davriy ravishda koʻrik-tanlovlar oʻtkazish anʼanaga aylangan.

Shunday anʼanalarning navbatdagisi Sirdaryo viloyati Ichki ishlar organlarida xizmat olib borayotgan 18 nafar psixolog xodimlar oʻrtasida oʻtkazildi.

“Eng yaxshi psixolog”ni aniqlash koʻrik-tanlovida ishtirokchilarning psixologiya sohasini rivojlantirishga qaratilgan faoliyatlari, targʻibot-tashviqot ishlari, trening, seminar, konferensiya va boshqa ilmiy-maʼrifiy tadbirlardagi ishtiroki, psixologiya kasbini yoritishga qaratilgan “Eng yaxshi psixolog” tashrif qogʻozi videoroligi, sohani rivojlantirishga qaratilgan gʻoya va uni amaliyotga joriy etish istiqbollari, bilim darajasini aniqlashga qaratilgan sinovlar tajribali hakamlar tomonidan diqqat bilan oʻrganilib, baholanib borildi.

Toʻplangan umumiy ballar natijasiga koʻra:

1-oʻrin Sayxunobod tumani Ichki ishlar boʻlimi Jamoat xavfsizligi xizmati, huquqbuzarliklar profilaktikasi boʻlinmasi, xotin-qizlar masalalari boʻyicha katta inspektori leytenant Mashhura Abdumalikovaga,

2-oʻrin Sirdaryo tumani Ichki ishlar boshqarmasi Jamoat xavfsizligi xizmati, huquqbuzarliklar profilaktikasi boʻlimi, voyaga yetmaganlar va yoshlar bilan ishlash guruhi, voyaga yetmaganlar masalalari boʻyicha inspektor-psixologi leytenant Jasurbek Aʼzamovga,

3-oʻrin Xovos tumani Ichki ishlar boʻlimi, Jamoat xavfsizligi xizmati, huquqbuzarliklar profilaktikasi boʻlinmasi, xotin-qizlar masalalari boʻyicha katta inspektori katta leytenant Mahliyo Hamroyevalarga nasib boʻldi.

Gʻoliblar boshqarma boshligʻining diplom va esdalik sovgʻalari bilan taqdirlandilar. Gʻoliblarni gʻalaba bilan tabriklab, Respublika bosqichida omad tilab qolamiz.

Sirdaryo viloyati IIB Axborot xizmati