Oliy Majlis Senatining Mudofaa va xavfsizlik masalalari qoʻmitasida IIV Akademiyasi professor-oʻqituvchilari va magistratura tinglovchilari oʻz taklif va mulohazalarini bildirdi
2025-09-24 09:00:00 / Yangiliklar
Oliy Majlis Senatining Mudofaa va xavfsizlik masalalari qoʻmitasida manfaatdor idora va tashkilotlar vakillari, ekspert va mutaxassislar ishtirokida yigʻilish boʻlib oʻtdi.
Unda “Oʻzbekiston Respublikasining Maʼmuriy javobgarlik toʻgʻrisidagi kodeksiga qoʻshimcha va oʻzgartirishlar kiritish toʻgʻrisida”gi hamda boshqa bir qator qonunlar muhokama qilindi.
Soʻzga chiqqanlar qonunchilikdagi oʻzgarishlarning mazmun-mohiyati va dolzarb ahamiyatiga toʻxtalib, amaliyotga tatbiq qilinayotgan yangiliklar ayrim sohalardagi huquqiy boʻshliqlarni toʻldirishga, ularning faoliyat samaradorligini oshirishga, jamiyatda aholining huquq va manfaatlarini taʼminlashga xizmat qilishini taʼkidlab oʻtishdi.
Yigʻilishda mamlakatimizda amalga oshirilayotgan keng qamrovli islohotlar bilan birga, yechimini kutayotgan ayrim muammolar ham aytib oʻtildi. Soha mutaxassislari qatorida, IIV Akademiyasi professor-oʻqituvchilari va magistratura tinglovchilari soʻzga chiqib, huquqiy normalar samaradorligini oshirish yuzasidan taklif va mulohazalarini bildirdilar.
Muhokama yakunida qoʻmitaning tegishli qarorlari qabul qilindi.
IIV Akademiyasi Axborot xizmati