Surxondaryo viloyati IIB tomonidan Termiz shahrida tungi faoliyatni oʻrganish davomida jinoyat va huquqbuzarliklarni barvaqt oldini olish, mahallalarda kriminogen vaziyatni yaxshilash hamda aholi osoyishtaligini taʼminlashga qaratildi
2025-09-23 11:40:00 / Yangiliklar
Surxondaryo viloyati IIB boshligʻi polkovnik Timur Ismailov Termiz shahar “Doʻstlik” mahallasidagi “Muayyan yashash joyiga ega boʻlmagan shaxslarni reabilitatsiya qilish markazi” xodimlarining tungi xizmat faoliyati va u yerda muayyan yashash joyiga ega boʻlmagan shaxslarni saqlash uchun yaratilgan shart-sharoitlar bilan yaqindan tanishib, xodimlarga xizmatni oʻtash davomida tegishli buyruq va koʻrsatmalarga qatʼiy amal qilishlari uqtirildi.
Oʻrganish davomida, Termiz shahar “Alpomish” mahallasidagi “24/7” koʻchasida fuqarolar hamda sayyohlar xavfsizligini taʼminlash borasida amalga oshirilayotgan ishlar bilan tanishish asnosida, “24/7” xizmat koʻrsatish, turistik va gastronomik koʻchasida fuqarolar xavfsizligini taʼminlash borasida masʼullarga tegishli topshiriqlar berildi.
Shuningdek, “Alpomish” mahallasi hududida jinoyat va huquqbuzarliklar sodir etilishiga yoʻl qoʻymaslik, mahallani xavfsiz hududga aylantirish, yoʻl harakati xavfsizligini taʼminlash, aholi koʻp toʻplanadigan joylarni kameralashtirish, ishsizlar sonini kamaytirish, fuqarolarning kiberjinoyatlar qurboni boʻlib qolishining oldini olish, mahallani raqamlashtirish “ijtimoiy profilaktik” tadbirlarni manzilli oʻtkazish, Prezidentimizning 2025-yil 3-yanvardagi PQ-1-sonli qarori ijrosi, joriy yil 17-sentyabr kunidan 27-sentyabr kuniga qadar Respublika miqyosida oʻtkazilayotgan “Xavfsiz hudud dolzarb 10 kunligi” tezkor profilaktik tadbiri doirasida, ijtimoiy profilaktika hamda mahalla yettiligi hamkorligida amalga oshirilishi lozim boʻlgan ishlar yuzasidan tegishli tavsiya va koʻrsatmalar berildi.
Shundan soʻng, “Boʻston” mahallasida jinoyat va huquqbuzarliklarni oldini olish borasida amalga oshirilgan ishlar va jinoyatchilik taqdimoti bilan tanishilib, fuqarolar xavfsizligini taʼminlash borasida olib borilayotgan ishlar oʻrganilib, “ijtimoiy profilaktik” tadbirlarni manzilli oʻtkazish boʻyicha rahbariy topshiriqlar berildi.
Oʻrganishning keyingi manzili “Sahovat” mahallasidagi Respublika ixtisoslashtirilgan ruhiy salomatlik ilmiy tibbiyot markazi, narkologiya yoʻnalishi boʻyicha Surxondaryo filiali faoliyati hamda u yerdagi shart-sharoitlar koʻzdan kechirilib, shifokorlar bilan hushyorxonada davolanayotgan fuqarolarning ahvoli hamda ushbu muassasaga biriktirilgan ichki ishlar boshqarmasi hamda Qoʻriqlash boʻlimi xodimlariga hushyor holda xizmatlarni olib borishlari boʻyicha yoʻriqnoma oʻtkazildi.
Boshqarma boshligʻi tomonidan aniqlangan kamchilliklarni zudlik bilan bartaraf etish yuzasidan viloyat hamda shahar IIB masʼullariga tegishli topshiriq va koʻrsatmalar berildi.
Viloyatning barcha hududlarida aholi osoyishtaligini taʼminlashga qaratilgan tungi faoliyatni oʻrganish ishlari davom etmoqda.
Surxondaryo viloyati IIB Axborot xizmati