Toshkent viloyatida tinchlik va osoyishtalikni taʼminlash boʻyicha keng koʻlamli tezkor-profilaktik tadbirlar oʻtkazilmoqda
2025-09-21 09:00:00 / Yangiliklar
Toshkent viloyati hududida jinoyat va huquqbuzarliklarning oldini olish, fuqarolar tinchligi hamda xavfsizligini taʼminlash maqsadida huquqni muhofaza qiluvchi organlar oʻrtasida hamkorlikda qoʻshma qaror qabul qilinib, uning ijrosi yuzasidan ishlar boshlandi.
Jumladan, Oʻzbekiston Respublikasi ichki ishlar vaziri oʻrinbosari, general-mayor Bekmurod Abdullayev boshchiligidagi ishchi guruh mazkur tadbirlar doirasida amalga oshirilayotgan ishlar, shuningdek, PQ-1-son qaror ijrosi holatini manzilli oʻrgandi.
Vazir oʻrinbosari Olmaliq shahrining “Oydin” mahallasi hamda 16-sonli mahalla huquq-tartibot maskanida IIO tomonidan olib borilayotgan faoliyat bilan tanishdi.
Jarayonda “ijtimoiy profilaktika”ga muhtoj aholining muammolarini hal etish, oilaviy nizolar oqibatidagi jinoyatlarning oldini olish, mahallalarda ogʻir va oʻta ogʻir jinoyatlarga chek qoʻyish hamda osoyishtalikni taʼminlash boʻyicha barcha tashkilotlar hamkorligida oʻtkazilayotgan profilaktik chora-tadbirlar koʻrib chiqildi.
Shu bilan birga, masʼul xodimlarning hisobotlari va xizmatni samarali tashkil etish boʻyicha takliflari tinglandi.
Aniqlangan kamchiliklar yuzasidan tegishli topshiriqlar berilib, xizmat samaradorligini oshirish va tezkor vaziyatni barqaror saqlashga qaratilgan koʻrsatmalar berildi.
Shuningdek, Olmaliq shahar IIBda tezkor-profilaktik tadbirlarni yuqori saviyada tashkil etish yuzasidan yoʻriqnoma oʻtkazilib, barcha kuch va vositalar xizmatga jalb qilindi.
Jamoat tartibini saqlash, fuqarolar xavfsizligini taʼminlash hamda mahallalarni jinoyatchilikdan holi hududga aylantirish maqsadida tezkor-profilaktik tadbirlar viloyatning barcha tuman va shaharlarida davom etmoqda.
Toshkent viloyati IIBB Axborot xizmati