Surxondaryo viloyati IIB tomonidan Muzrabot tumanida jinoyat va huquqbuzarliklarni barvaqt oldini olish, mahallalarda kriminogen vaziyatni yaxshilash hamda aholi osoyishtaligini taʼminlashga qaratilgan tungi faoliyat oʻrganildi
2025-09-20 14:55:00 / Yangiliklar
Surxondaryo viloyati IIB boshligʻi polkovnik Timur Ismailov kriminogen vaziyati ogʻir boʻlgan Muzrabot tumanidagi “Chegarachi” hamda “Al Hakim At Termiziy” mahallalariga tashrifi davomida, 22-sonli umumiy oʻrta taʼlim maktab ahvoli, oʻquvchilar xavfsizligini taʼminlash, kuz-qish mavsumiga tayyorgarlik ishlari, qoʻriqlov pultiga ulanganligi tekshirildi va oʻquvchilar oʻrtasida davomat, huquqbuzarliklarni barvaqt oldini olish ushbu mahallada xavfsiz muhitni yaratish uchun tungi xizmatga biriktirilgan huquq-tartibot organlari xodimlari, mahalla yettiligi bilan mahalla hududida jinoyat va huquqbuzarliklar sodir etilishiga yoʻl qoʻymaslik, mahallani xavfsiz hududga aylantirish, yoʻl harakati xavfsizligini taʼminlash, aholi koʻp toʻplanadigan joylarni kameralashtirish, ishsizlar sonini kamaytirish, fuqarolarning kiberjinoyatlar qurboni boʻlib qolishining oldini olish, mahallani raqamlashtirish “ijtimoiy profilaktik” tadbirlarni manzilli oʻtkazish borasidagi taqdimot bilan tanishilib, Prezidentimizning 2025-yil 3-yanvardagi PQ-1-sonli qarori ijrosi hamda Respublikamiz miqyosida oʻtkazilayotgan “Xavfsiz hudud- dolzarb-10 kunligi” keng qamrovli profilaktik tadbiri doirasida, jamoat tartibi, aholi xavfsizligi, ijtimoiy profilaktika hamda mahalla yettiligi hamkorligida amalga oshirilayotgan ishlar ham oʻrganilib, bu boradagi ishlar yetarli darajada olib borilmayotganligi tanqid qilinib, yoʻl qoʻyilgan kamchiliklarni bartaraf etish yuzasidan tegishli tavsiya va koʻrsatmalar berildi.
Oʻrganish davomida, “Shaffof” mahallasida joylashgan Muzrabot tumani Tibbiyot birlashmasida bemorlar uchun yaratilgan shart-sharoitlar hamda shifoxonada tashkil etilgan mastlik holatida boʻlgan shaxslarga tibbiy yordam koʻrsatish tuman punkti faoliyati bilan yaqindan tanishilib, kuz-qish mavsumiga tayyorgarlik darajasi oʻrganildi.
Muzrabot tumanida olib borilgan tungi oʻrganish davomida, Muzrabot tuman Qoʻriqlash boʻlimi faoliyati bilan yaqindan tanishilib, u yerda bino va hududning tozaligi, tumani hududini kameralashtirish va qoʻriqqa olish, shuningdek xodimlar uchun yaratilgan shart-sharoitlar bilan tanishilib, qoʻriqlash boʻlimi boshligʻining jinoyatchilik, xonadon va obyektlarni qoʻriqlovga olish boʻyicha taqdimoti tinglandi.
Boshqarma boshligʻi tomonidan aniqlangan kamchilliklarni zudlik bilan bartaraf etish yuzasidan viloyat hamda tuman IIB masʼullariga tegishli topshiriq va koʻrsatmalar berildi.
Viloyatning barcha hududlarida aholi osoyishtaligini taʼminlashga qaratilgan tungi faoliyatni oʻrganish ishlari davom etmoqda.
Surxondaryo viloyati IIB Axborot xizmati