Navoiy shahrida ijtimoiy obyektlarning xavfsizligi va mavsumiy tayyorgarligi oʻrganildi
2025-09-19 15:45:00 / Yangiliklar
Dastlab, Navoiy davlat universitetining talabalar turar joyiga tashrif buyurib, mazkur obyektda talaba-yoshlarning istiqomat qilishlari uchun yaratilgan sharoitlar va xavfsizlik choralari bilan tanishdi. Yertoʻla qismi ham koʻzdan kechirilib, aniqlangan kamchiliklar boʻyicha masʼullarga tegishli topshiriqlar berildi.
Keyingi manzil aholi gavjum va koʻp sonli xizmat koʻrsatish obyektlarida mavjud Nurafshon koʻchasi boʻlib, unda umumiy ovqatlanish joylari (oshxonalar, kafe, restoranlar) faoliyati bilan tanishildi. Hududda ichki ishlar organlari xodimlari tomonidan amalga oshirilayotgan ishlar koʻrilayotgan xavfsizlik choralari oʻrganildi.
Shundan soʻng masʼullar Respublika shoshilinch tibbiy yordam ilmiy markazi Navoiy filialida boʻlishdi. Mazkur hududda ham kuz-qish mavsumiga koʻrilayotgan zaruriy choralar koʻzdan kechirildi. Mavjud kamchiliklarni bartaraf etish lozimligi taʼkidlandi.
Navoiy viloyati IIB Axborot xizmati