IIV Akademiyasi huquqshunoslik fani boʻyicha olimpiadaning respublika bosqichi boʻlib oʻtdi
2024-04-01 10:10:00 / Yangiliklar
28-30-mart kunlari Ichki ishlar vazirligi Akademiyasi huquqshunoslik fani boʻyicha olimpiadaning respublika bosqichiga mezbonlik qildi.
Vazirlik tasarrufidagi akademik litseylar oʻrtasida tashkil etilgan olimpiadada Qoraqalpogʻiston Respublikasi, viloyatlar hamda Toshkent shahridan jami 14 nafar oʻgʻil-qiz ishtirok etdi.
Sinovlar yozma ish va test shaklida oʻtdi. Muhimi, har ikki bosqich yoshlarning intellektual salohiyatini roʻyobga chiqarish, bilim olishga boʻlgan ishtiyoqini kuchaytirish, yangi iqtidor egalarini kashf etishga xizmat qildi.
Yakuniy natijalarga koʻra, birinchi oʻrin Surxondaryo akademik litseyi oʻquvchisi Muhammadsodiq Abdujaʼfarovga, ikkinchi oʻrin Fargʻona akademik litseyi oʻquvchisi Sabrinabonu Neʼmatovaga hamda uchinchi oʻrin Buxoro akademik litseyi oʻquvchisi Mirali Muhammadovga nasib etdi.
Taqdirlash marosimidan soʻng olimpiada ishtirokchilari “Yangi Oʻzbekiston” bogʻini tomosha qilib, akademiya yaratilgan zamonaviy sharoitlar bilan tanishdilar.
IIV Akademiya Axborot xizmati