Poytaxtimizning Chilonzor tumanida kriminogen vaziyati murakkab mahallalar boʻyicha yigʻilishda IIV Akademiyasi vakillari ham ishtirok etdi
2025-09-15 09:00:00 / Yangiliklar
Unda tuman Ichki ishlar organlari faoliyatini muvofiqlashtirish boshqarmasi mutasaddilari, “Novza”, “Chilonzor”, “Qozirobod”, “Beshchinor” va “Koʻtarma” mahallalari vakillari hamda IIV akademiyasi masʼullari qatnashdi.
Yigʻilishda mazkur mahallalarning kriminogen vaziyati, sodir etilayotgan huquqbuzarliklarning asl omillari, jinoyatchilikni jilovlashga qaratilgan ishlar va mavjud muammolar muhokama qilindi.
Soʻzga chiqqanlar davlatimiz rahbarining qarori asosida amalga oshirilayotgan chora-tadbirlarga toʻxtalib, kriminogen vaziyatni tubdan yaxshilash borasida taklif va tavsiyalarini berdi.
Huquqbuzarliklarning barvaqt oldini olish eng ustuvor vazifa ekanligi taʼkidlanib, tizim natijadorligini oshirish, mahallalarda jinoyatchilikni jilovlash, aholi bilan manzilli ishlashni yanada kuchaytirish yuzasidan vazifalar belgilab olindi.
Shuningdek, tadbirda akademiya vakillari ham soʻzga chiqib, “mahalla yettiligi” faoliyatini takomillashtirishda ilmiy-amaliy metodik koʻrsatish boʻyicha zarur tavsiyalar berdilar.
IIV Akademiyasi Axborot xizmati