Buxoro tumanida jinoyatchilikni oldini olish va xavfsizlikni taʼminlash boʻyicha kengaytirilgan yigʻilish oʻtkazildi
2025-09-13 19:40:00 / Yangiliklar
Yigʻilishda Buxoro viloyati Ichki ishlar boshqarmasi boshligʻi, huquq-tartibot organlari rahbarlari, mahalliy korxona va tashkilotlar vakillari va tuman ichki ishlar boʻlimi shaxsiy tarkibi ishtirok etdi.
Tadbirda tumandagi mavjud kriminogen holat tahlil qilinib, jinoyatlar soni, ularning sodir etilish sabablari va shart-sharoitlari atroflicha muhokama etildi.
Boshqarma boshligʻi oʻz nutqida jinoyatchilikning oldini olish faqat huquqni muhofaza qiluvchi organlar emas, balki butun jamoatchilik, mahalliy rahbarlar, muassasa va tashkilotlar ishtirokida samarali amalga oshirilishi mumkinligini taʼkidladi.
Shuningdek, qonun ustuvorligini taʼminlash, profilaktik tadbirlarni tizimli tashkil etish, profilaktika inspektorlari faoliyatini kuchaytirish, aholi bilan ochiq muloqotni kengaytirish yuzasidan aniq vazifalar belgilab berildi.
Yigʻilish yakunida tumanda jinoyatchilikka qarshi kurashni yanada kuchaytirish, barcha darajadagi masʼul tashkilotlar oʻrtasida hamkorlikni mustahkamlash hamda aholi oʻrtasida huquqiy targʻibot ishlarini faollashtirish boʻyicha zarur qaror va tavsiyalar qabul qilindi.
Buxoro viloyati IIB Axborot xizmati