Turkmaniston delegatsiyasi Oʻzbekiston Respublikasi IIVga tashrif buyurdi
2024-03-30 19:35:00 / Yangiliklar
2024-yilning 25-28-mart kunlari Turkmaniston Respublikasi Mehnat va aholini ijtimoiy muhofaza qilish vazirligi mehnat munosabatlari boshqarmasi boshligʻi oʻrinbosari Guljan Halliyeva rahbarligida Turkmaniston Respublikasi delegatsiyasining Oʻzbekistonga tashrifi amalga oshirilmoqda.
27-mart kuni Ichki ishlar vazirligi binosida Turkmaniston Respublikasi delegatsiyasining Odam savdosiga qarshi kurashish masalalari boʻyicha kichik komissiya rahbariyati va aʼzolari bilan uchrashuvi boʻlib oʻtdi. Uchrashuv davomida Odam savdosiga qarshi kurashish masalalari boʻyicha kichik komissiya masʼul xodimi Turkmaniston delegatsiyasini Oʻzbekiston Respublikasida odam savdosiga qarshi kurashish sohasida erishilgan ijobiy tajriba bilan tanishtirdi.
Oʻzbekistonda odam savdosiga qarshi kurashish borasida amalga oshirilayotgan ishlar Turkmaniston delegatsiyasida katta qiziqish uygʻotdi. Uchrashuv yakunlari boʻyicha tomonlar ikki davlat oʻrtasida odam savdosiga qarshi kurashish sohasida, xususan, ushbu jinoyatdan jabrlangan shaxslarni himoya qilish, tegishli huquqni muhofaza qilish organlari oʻrtasida odam savdosiga oid jinoyatlar boʻyicha belgilangan surishtiruv va tergov harakatlari samaradorligini oshirish boʻyicha hamkorlikni yanada rivojlantirish, shuningdek, bu borada kengroq tajriba almashish va kelgusidagi hamkorlikning asosiy yoʻnalishlarini belgilab oldilar.
Oʻzbekiston Respublikasi IIV Tezkor-qidiruv departamenti