IIV Akademiyasi va Navoiy viloyati IIB hamkorligida “qizil” toifadagi mahallalarda oʻrganish ishlari olib borilmoqda
2025-09-12 09:00:00 / Yangiliklar
IIV Akademiyasi professor-oʻqituvchilari hamda Navoiy viloyat IIB masʼullaridan iborat ishchi guruhi tomonidan 5-yildan buyon “qizil” toifada qolib kelayotgan viloyatidagi mahallalarda oʻrganishlar olib borilmoqda.
“Oʻzbekiston Respublikasi Prezidentining ayrim qarorlariga mahallalarda jinoyatchilikning barvaqt oldini olish tizimi natijadorligini yanada oshirishga qaratilgan oʻzgartirish va qoʻshimchalar kiritish toʻgʻrisida”gi PQ-253-son Qarori talablarini Navoiy viloyatida oʻz vaqtida toʻliq va sifatli bajarilishini taʼminlash, kriminogen vaziyatni yaxshilash orqali mahallalarda xavfsiz muhitni yaratish maqsadida IIV Akademiyasi professor-oʻqituvchilari hamda viloyat IIB masʼullaridan iborat ishchi guruhi tomonidan joylarda oʻrganishlar olib borilmoqda.
Oʻrganishlarning birinchi kunida masʼullar 5-yildan buyon “qizil” toifada qolib kelayotgan Karmana tumanining “Beshkent” va “Argʻun”, Xatirchi tumanining “Navbahor” mahallalarida boʻldi. Jarayonda mazkur hududlarda soʻnggi 5-yilda sodir boʻlayotgan jinoyatchilik tahlili muhokama qilindi hamda Prezidentimizning huquqbuzarliklar profilaktikasiga daxldor boʻlgan qaror, farmon, farmoyishlarning mazmun-mohiyati mahalla yettiligi va boshqa tegishli tuzilma vakillariga yetkazilmoqda.
Oʻrganishlar davom etmoqda.
Navoiy viloyati IIB Axborot xizmati