Namangan viloyati Ichki ishlar organlarining xodimlari oʻrtasida “Eng yaxshi psixolog” koʻrik-tanlovi oʻtkazildi
2025-09-11 12:25:00 / Yangiliklar
Oʻzbekiston Respublikasi Ichki ishlar vazirligi hamda Namangan viloyati ichki ishlar boshqarmasining tegishli buyruqlariga asosan, Namangan viloyati ichki ishlar organlarida xizmat qilib kelayotgan psixolog xodimlar ishtirokida “Eng yaxshi psixolog” koʻrik-tanlovi oʻtkazildi.
Ishtirokchilar dastlab tanlov shartlari bilan tanishtirilib, ulardan jangovar tayyorgarlik va aqliy salohiyatni baholovchi Raven matritsalari testi yordamida psixologik sinovdan oʻtkazildi.
Shundan soʻng psixologik bilimlarni sinovdan oʻtkazish maqsadida professor oʻqituvchilar raisligida savol-javob boʻlib oʻtdi.
Tanlov yakunida yuqori koʻrsatkichlarni va faxrli oʻrinlarni egallagan xodimlar tegishli tartibda ragʻbatlantirilib, faxrli birinchi oʻrinni egallagan xodim Respublika bosqichiga yoʻllanmani qoʻlga kiritdi.
Namangan viloyati IIB Axborot xizmati