Buxoro viloyati IIB Tezkor boshqaruv markazida ish jarayonlari oʻrganildi
2025-09-11 11:40:00 / Yangiliklar
Buxoro viloyati IIB boshligʻi, viloyat hokimi oʻrinbosari hamda viloyat davlat soliq boshqarmasi rahbarlari Tezkor boshqaruv markazida boʻlib, bu yerdagi ish jarayonlari bilan yaqindan tanishdi.
Viloyat IIB masʼul xodimlari tomonidan markaz tizimi va islohotlarning borishi, raqamlashtirish jarayonlarining amaliyotga tatbiq etilishi borasida amalga oshirilayotgan ishlar haqida maʼlumot berildi.
Davlatimiz rahbarining «2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish boʻyicha chora-tadbirlar toʻgʻrisida»gi Qarorining ijrosini taʼminlash borasida amalga oshirilgan ishlar ham tahlil etildi.
Kriminogen vaziyati ogʻir mahallalar hududlarida kuzatuv kameralari, aholi gavjum maskanlar, bozorlar va jamoat joylarida yuzni va avtoraqamlarni tanib oluvchi video kuzatuv moslamalari oʻrnatilishi hamda ularni Tezkor boshqaruv markaziga integratsiya qilinishi, «Raqamli mahalla» dasturini keng tatbiq etish boʻyicha aniq vazifalar belgilab olindi.
Ushbu markaz xavfsizlik tizimining yuragi hisoblanib, bugungi kunda unga 10000 dan ortiq videokamera ulangan:
687 ta – avtomobil davlat raqamlarini aniqlovchi kameralar,
1380 ta – yuzni tanib oluvchi zamonaviy tizimlar,
481 ta – 360 darajali aylanma kameralar,
7530 ta – kuzatuv kamerasi.
Mahalla va koʻchalardagi barcha kamera tizimlari yagona markazga ulanib, real vaqt rejimida kuzatuv olib borilmoqda.
Shuningdek, Buxoro shahri va tumanlar markazlaridagi transport vositalari gavjum yoʻllarda tirbandliklarning oldini olish borasida bajarilishi lozim boʻlgan masalalarga alohida toʻxtalib oʻtilib, bu borada masʼullarga tegishli topshiriqlar belgilab berildi.
Buxoro viloyati IIB Axborot xizmati