Mahallaga xavfsizlik, fuqaroga xotirjamlik — Davlat rahbarining qaror va topshiriqlari ijroda
2025-09-07 11:40:00 / Yangiliklar
Oʻzbekiston Respublikasi Prezidentining “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish boʻyicha chora-tadbirlar toʻgʻrisida”gi qarori ijrosini taʼminlash maqsadida Ichki ishlar vaziri oʻrinbosari, general-mayor Bekmurod Abdullayev tomonidan Buxoro viloyatida oʻrganish olib borilmoqda.
Mazkur qaror ijrosi doirasida Buxoro shahridagi “Shayx-ul Olam” mahallasida amalga oshirilayotgan ishlar oʻrganilib, mavjud muammolar tahlil qilindi hamda mutasaddilarga aniq topshiriqlar berildi.
Jinoyatchilikni oldini olishda mahalla faollari, korxona va tashkilotlar bilan hamkorlikni kuchaytirish, ijtimoiy-profilaktika ishlarini tizimli yoʻlga qoʻyish boʻyicha muhim vazifalar belgilandi.
IIB JXD Axborot xizmati