Namangan viloyati IIB rahbariyati tomonidan “Nurli maskan” oʻqituvchi va oʻquvchilariga bayram sovgʻalari ulashildi
2025-09-07 11:55:00 / Yangiliklar
Namangan viloyati Ichki ishlar boshqarmasi boshligʻining tegishli buyrugʻiga asosan, boshqarma rahbariyati tomonidan Kosonsoy tumanida joylashgan 45-sonli koʻzi ojizlar maktab internati tarbiyalanuvchilari va oʻqituvchilarini Mustaqilligimizning 34-yilligi hamda bilimlar kuni bilan tabriklab, ularga bayram sovgʻalari ulashildi.
Boshqarma rahbariyati tomonidan oʻquvchilarga yosh bilimdonlar oʻrtasida ijtimoiy-maʼnaviy muhitni sogʻlomlashtirish, ilm-maʼrifat yoʻlidan borish, oʻz bilim va isteʼdodlarini yanada yuksaltirib borish toʻgʻrisida tushunchalar berildi.
Tadbir soʻnggida Ichki ishlar vazirligi hamda viloyati Ichki ishlar boshqarmasi rahbariyatining tabriklari yetkazilib, yangi oʻquv yilida barchaga omad tilandi.
Namangan viloyati IIB Axborot xizmati