Malaka oshirish institutida pedagogik seminar boʻlib oʻtdi
2025-09-07 11:40:00 / Yangiliklar
Oʻzbekiston Respublikasi Ichki ishlar vazirligi Malaka oshirish institutida Oʻquv-uslubiy boʻlim xodimlari tomonidan pedagogik sohada faoliyat yuritayotgan mutaxassislar uchun navbatdagi seminar tashkil etildi.
Tadbirda institut rahbariyati, professor-oʻqituvchilari, IIV Maxsus tayyorgarlik oʻquv markazi, vazirlik 1-son va 2-son Akademik litseyi oʻqituvchilari, metodistlari hamda ilmiy xodimlar ishtirok etdilar.
Seminar doirasida taʼlim sifatini oshirish va zamonaviy talablarga javob beradigan yondashuvlarni amaliyotga joriy etishga qaratilgan bir qator dolzarb mavzular muhokama qilindi. Jumladan, oʻquv jarayoni samaradorligini oshirish, oʻquv-metodik materiallar sifati va mazmunini yanada takomillashtirish, ilmiy-tadqiqotlar salohiyatini kengaytirish, taʼlimda innovatsion texnologiyalardan foydalanish masalalari yuzasidan maʼruzalar tinglandi.
Tadbir ishtirokchilari tomonidan oʻzaro tajriba almashish, muammoli holatlar boʻyicha fikr almashish va kelgusida amalga oshirilishi lozim boʻlgan vazifalar yuzasidan taklif va tavsiyalar berildi.
Seminar yakunida ishtirokchilar bunday tadbirlarni muntazam oʻtkazib borish taʼlim jarayonini yanada samarali tashkil etishda muhim ahamiyatga ega ekanini taʼkidladilar.
IIV Malaka oshirish instituti Matbuot xizmati