Pora taklif qilgan haydovchilar va fuqarolar Ichki ishlar organlari tomonidan qoʻlga olindi
2025-09-01 00:00:00 / Yangiliklar
Ichki ishlar vazirligi va uning hududiy boʻlinmalari tomonidan poytaxtimiz hududi, Fargʻona va Surxondaryo viloyatlarida xodimlarga pora taklif qilgan shaxslarning noqonuniy xatti harakatlariga chek qoʻyildi.
Toshkent shahrida YPX guruh komandiriga 500 AQSH dollarini pora tariqasida taklif qilgan “Onix” haydovchisi qoʻlga olindi.
Fargʻona viloyatining Quva hamda Bogʻdod tumanlarida profilaktika inspektoriga 1000 AQSH dollari, YPX inspektoriga esa 800 AQSH dollarini taklif qilgan shaxslar ushlandi.
Surxondaryo viloyatida mast holda rul boshqaruviga kirishganligi uchun maʼmuriy chora qoʻllanilgan fuqaro YPX inspektoriga 3 mln soʻmni pora tariqasida berayotgan vaqtda qoʻlga olindi.