Namangan viloyati Norin va Kosonsoy tumanlarida xodimlarning sakkiz oylik faoliyati muhokama qilindi
2025-09-05 11:05:00 / Yangiliklar
Jinoyatchilikning oldini olish, huquqbuzarliklar profilaktikasi hamda mahallalarda xavfsiz muhitni shakllantirish ichki ishlar organlari xodimlarining ustuvor vazifasi hisoblanib, ular tomonidan hududlarda kun-u tun xizmat olib borilmoqda.
Xususan, Boshqarma boshligʻi Norin va Kosonsoy tumanlarida boʻlib, tuman rahbarlari va mutasaddi tashkilotlar vakillari ishtirokida ichki ishlar boʻlimi xodimlarining oʻtgan sakkiz oy davomida amalga oshirgan ishlari hamda yoʻl qoʻygan kamchiliklari atroflicha muhokama qilindi.
Muhokama jarayonida mahallalarda PQ-1 va PQ-253-son Qarorlari ijrosi yuzasidan masʼullarning faoliyati tanqid qilinib, ichki ishlar boʻlimlari boshliqlariga kelgusida mazkur Qarorlar ijrosini toʻliq taʼminlash, “qizil” toifadagi mahallalarda kriminogen vaziyatni yaxshilash, shuningdek, xodimlar oʻrtasida xizmat intizomi va qonunchilikni mustahkamlash yuzasidan aniq topshiriqlar berildi.
Namangan viloyati IIB Axborot xizmati