Mahallalarda xavfsiz muhitni yaratish boʻyicha amalga oshirilayotgan ishlar manzilli oʻrganildi
2025-09-05 00:05:00 / Yangiliklar
Samarqand viloyati IIB boshligʻi general mayor Toxir Aripov tomonidan Samarqand tumanidagi “Yangiariq”, Pastdargʻom tumanidagi “Kamolot” hamda Samarqand shahrining “Sayqal”, “Rasadxona” va Bahodir Yalangtoʻsh mahallalarida fuqarolar xavfsizligini taʼminlash va jinoyatchilikni jilovlash borasidagi ishlar oʻrganildi.
Bugun joylarda aholining muammolarini oʻrganish barobarida, xalq bilan yanada yaqinlashib, mavjud masala va kamchiliklarni bartaraf etishga alohida eʼtibor qaratilmoqda. Shu maqsadda viloyat Ichki ishlar boshqarmasi boshligʻi hududlarga borib, u yerdagi kriminogen vaziyat, jinoyatchilik va huquqbuzarliklarning oldini olish borasidagi ishlar bilan tanishdi.
Boshqarma boshligʻi mazkur mahallalarda “xavfsiz hudud” tamoyili asosida olib borilayotgan ishlar bilan tanishar ekan, mahalla yettiligi bilan oʻzaro muloqot doirasida hamkorlikdagi ishlarni kuchaytirish, faoliyatda aniq rejalar ishlab chiqish, muammolarni xonadonbay oʻrganish lozimligini taʼkidladi.
Shuningdek, joriy yilning oʻtgan davri mobaynida amalga oshirilgan ishlar, yoʻl qoʻyilgan xato va kamchiliklar ham tahlil qilindi.
Har bir masʼul hudud osoyishtaligi va fuqarolar xavfsizligiga toʻgʻri yondashib, vijdonan xizmat olib borishi ham aytilib, mahalla yettiligi va rahbarlarga bu borada kerakli maslahat va tavsiyalar berildi.
Samarqand viloyati IIB Axborot xizmati