Namangan viloyati ichki ishlar organlari xodimlariga zamonaviy uy-joylar foydalanishga topshirildi
2025-09-04 23:55:00 / Yangiliklar
Yangi Namangan tumani Islom Karimov koʻchasida yangi qurilgan zamonaviy uy-joylar 34 nafar ichki ishlar organlari xodimlariga topshirildi.
Tantanali tarzda tashkil etilgan marosimda viloyat IIB rahbariyati, shaxsiy tarkib, faxriylar va xonadon egalari ishtirok etdilar. Tadbirda Boshqarma boshligʻi oʻrinbosari hamda Faxriylar kengashi raisi soʻz olib, yangi uylar nafaqat xodimlarning oilasi uchun quvonch, balki xizmatda ham yangi maʼnaviy kuch-quvvat bagʻishlashini taʼkidlashdi.
Shaharning markazida, barcha qulayliklarga ega xonadonlarda yaratilgan sharoitlar bilan tanishilib, samimiy suhbat qurildi.
Topshirilgan xonadon kalitlari ichki ishlar organlari xodimlarining mehnati va sadoqatiga berilayotgan munosib bahodir. Yangi xonadonlar esa ularning oilasi uchun tinchlik, farovonlik va baxt-saodat maskaniga aylanishini tilaymiz.
Namangan viloyati IIB Axborot xizmati