IIV Qorovul qoʻshinlariga qarashli harbiy qismlarga biriktirilgan maktablarda tadbirlar koʻtarinki ruhda boʻlib oʻtdi
2025-09-03 09:00:00 / Yangiliklar
Birinchi qoʻngʻiroq va bilimlar kuni munosabati bilan mamlakatimiz boʻylab oʻtkazilgan tadbirlarda IIV Qorovul qoʻshinlari harbiy qism va boʻlinmalariga biriktirilgan jami 10 ta “Jasorat” maktablarining ochilishi marosimi harbiy qism shaxsiy tarkibi hamda keng jamoatchilik vakillari ishtirokida koʻtarinki ruhda boʻlib oʻtdi.
IIV Qorovul qoʻshinlariga biriktirilgan ushbu maktablarda oʻquvchi yoshlarni har tomonlama bilim olishlari, intellektual salohiyatini oshirib borishi, jismoniy tarbiya bilan shugʻullanishlari uchun turli xil sport toʻgaraklari va barcha shart-sharoitlar yaratilib berilgan boʻlib, oʻquvchilar bilan tizimli ravishda belgilangan vaqtlarda amaliy-koʻrgazmali mashgʻulotlar ham tashkil etilishi borilishi rejalashtirilgan.
Hududlarda oʻtkazilgan bilimlar kuni tadbirlarida Qorovul qoʻshinlari qoʻmondonligi, harbiy qismlar rahbariyati va masʼullari poytaxtimizdagi 138-sonli, Navoiy va Toshkent viloyatlaridagi 7, 34, 41, va 35, 39-sonli, Buxoro, Qashqadaryo, Namangan va Andijon viloyatlaridagi 5, 33, 71 va 1-sonli umumiy oʻrta taʼlim maktablarida boʻlib, unda ilk bora bilim dargohiga qadam qoʻygan jajji bolajonlar hamda barcha oʻquvchilarini Davlatimiz mustaqilligining 34-yillik bayrami va yangi oʻquv yili bilan muborakbod etishdi.
Aytish joiz, kelgusida mazkur maktablarda oʻquvchilarni vatanparvar, yurtiga sodiq, mard va jasur yigit qizlar boʻlib yetishishi borasidagi amaliy ishlar tizimli ravishda davom ettirilib boriladi va qoʻmondonlikning doimiy diqqat eʼtiborida boʻladi.
IIV Qorovul qoʻshinlari qoʻmondonligi Axborot guruhi