Navoiy viloyati IIB rahbariyati “Nurli maskan” ixtisoslashtirilgan maktab internatining “Bilimlar kuni”da ishtirok etdi
2025-09-03 09:00:00 / Yangiliklar
“Bilimlar kuni“ munosabati bilan Navoiy shahrida joylashgan “Nurli maskan” ixtisoslashtirilgan maktab internatida bayram tadbiri tashkil etildi.
Unda viloyat IIB boshligʻi, polkovnik Azat Tasbayev ham ishtirok etib, oʻquvchi va murabbiylarni bayram bilan qutladi.
Oʻz soʻzida mazkur muassasada taʼlim olib yuksak natijalarga erishayotgan oʻquvchilarni eʼtirof etib, ayni paytda yaratilgan shart-sharoitlardan unumli foydalanishlari, Vatanga, xalqqa munosib farzand boʻlishlari lozimligini taʼkidladi.
Shundan soʻng, “Nurli maskan“ning bu yilgi navnihollari, endigina maktab ostonasiga qadam qoʻyayotgan 13 nafar 1-sinf oʻquvchilari bilan uchrashib, Prezident sovgʻalarini topshirdi.
Orzu-maqsadlari xususida samimiy suhbatlashdi.
Navoiy viloyati IIB Axborot xizmati