Buxoro viloyati IIB rahbariyati “Vatan uchun, millat uchun, xalq uchun!” shiori ostida Shofirkon tumanining 13-sonli umumtaʼlim maktabida oʻtkazilgan “Bilimlar kuni” tadbirida ishtirok etdi
2025-09-03 09:00:00 / Yangiliklar
2025-yil 2-sentyabr sanasidan boshlab butun respublikamiz miqyosida umumiy oʻrta taʼlim maktablarida yangi oʻquv yili boshlandi.
Buxoro viloyatidagi jami 581 ta oʻrta taʼlim maktablarida 345 484 nafar oʻquvchi yoshlar taʼlim-tarbiya olishga kirishmoqda.
Buxoro viloyati ichki ishlar boshqarmasi boshligʻi Shofirkon tumanida joylashgan,13-sonli umumtaʼlim maskanida boʻlib, birinchi qoʻngʻiroq bayram tadbirida ishtirok etdi.
Tadbir avvalida boshqarma boshligʻi soʻz olib ilk qadamlar ila maktab ostonasiga qadam qoʻygan bolakaylar oʻzlari uchun kerakli boʻlgan bilimlarni ustozlaridan olib, Vatanimiz uchun munosib oʻgʻil-qizlar boʻlib yetishishiga, ertangi yorugʻ kelajagimizning mustahkam tayanchi va ishonchi boʻlishiga umid qilishini bildirdi.
Oʻquvchi yoshlar orasida kitobxonlikni keng targʻib qilish va ularni maʼnaviy dunyoqarashini yanada boyitish maqsadida kelajak egalariga boshqarma boshligʻi tomonidan kitoblar jamlanmasi sovgʻa qilindi. Kuy qoʻshiq sadolari ila davom etgan tadbir davomida barchaga oʻzgacha hush kayfiyat bagʻishladi.
Shundan soʻng birinchi qoʻngʻiroq sadolari ila ilk oʻquv jarayonlari mustaqillik darsi bilan boshlandi.
Unda oʻquvchilarga mustaqillikka erishish tarixi, istiqlol davrida bunyodkorlik hamda erishilgan yutuqlar va ularning ahamiyati haqida batafsil maʼlumotlar berildi.
Buxoro viloyati IIB Axborot xizmati