Qashqadaryo viloyati IIB tasarrufiga olingan 44-umumtaʼlim maktabida ham yangi oʻquv yili ochilishiga bagʻishlangan maʼrifiy tadbir boʻlib oʻtdi
2025-09-03 09:00:00 / Yangiliklar
Birinchi qoʻngʻiroq va bilimlar kuni munosabati Qashqadaryo viloyatida madhiya sadolari ostida yurt bayrogʻi koʻtarilib, umumtaʼlim maktablari oʻquvchilarni oʻz bagʻriga oldi. Ayni damda taʼlim dargohlari bolalar gavjum.
Qarshi shahridagi viloyat IIB tasarrufiga olingan 44-umumtaʼlim maktabida ham yangi oʻquv yili ochilishiga bagʻishlangan maʼrifiy tadbir boʻlib oʻtdi.
Unda Qashqadaryo viloyati IIB rahbariyati, maktab oʻqituvchi va oʻquvchilari ishtirok etishdi.
Tadbirda viloyat ichki ishlar boshqarmasi boshligʻi, polkovnik Abduvoxid Ismoilov soʻzga chiqib, “Vatan uchun, millat uchun, xalq uchun!” degan bosh gʻoya asosida nishonlangan mustaqilligimizning 34-yilligi bayrami va yangi oʻquv yili boshlanishi munosabati bilan barchani qutlab, oʻquvchilarga oʻqishlarida omad tiladi.
Bu yilgi oʻquv jarayonida ham oʻquvchilar bilimda va kitobxonlikda, bilimlar bellashuvi va sport sohalarida yangi marralarni zabt etishiga ishonch bildirdi.
Birinchi qoʻngʻiroq tadbirda oʻquvchilarga xalqimizning mustaqillikni qoʻlga kiritishi, ozodlik va erk uchun kurashgan fidoyi mard oʻgʻlonlar hayoti toʻgʻrisida oʻquvchilarga keng qamrovda tushunchalar berildi.
Qashqadaryo viloyati IIB Axborot xizmati