Ichki ishlar vazirligi tomonidan navbatdagi maxsus avtotransport vositalari hududlarga topshirildi
2025-09-01 14:30:00 / Yangiliklar
Ichki ishlar vaziri topshirigʻiga asosan, “Xavfsiz shahar” tizimlarini rivojlantirish markazi moddiy-texnik bazasini mustahkamlash maqsadida respublikaning barcha hududlariga maxsus jihozlangan avtotransport vositalari topshirildi.
Jumladan, navbatdagi yangi maxsus transport vositalari bayram arafasida Namangan viloyati, Sirdaryo viloyati, Fargʻona viloyati hamda Toshkent shahri boʻlimlariga berildi.
Taʼkidlash lozim, topshirilgan avtotransport vositalari videokuzatuv tizimlarini joylarga yetkazish va oʻrnatishda qulaylik yaratadi, profilaktik tadbirlarni samarali oʻtkazish imkonini beradi. Shuningdek, mahallalarda xavfsiz muhitni yaratishga xizmat qiladi.
Barcha hududiy boʻlimlarga topshirilgan ushbu transport vositalari Prezident qarorlarida belgilangan vazifalarning amalda bajarilishini taʼminlash va “Xavfsiz shahar” loyihasini izchil yoʻlga qoʻyishda muhim ahamiyat kasb etadi.