Ichki ishlar vazirligi Malaka oshirish institutida mamlakatimizning mustaqillikka erishganiga 34-yil toʻlishi munosabati bilan tantanali bayram tadbiri boʻlib oʻtdi
2025-08-31 09:00:00 / Yangiliklar
“Vatan uchun, millat uchun, xalq uchun!” shiori ostida tashkil etilgan ushbu tadbir yurtga boʻlgan sadoqat, milliy qadriyatlarga ehtirom va fidoyilik gʻoyalarini yanada mustahkamlashga qaratildi.
Tadbirda institut rahbariyati, professor-oʻqituvchilar va xodimlar ishtirok etdi. Tadbirda istiqlolning tarixiy ahamiyati, Ichki ishlar organlarining mustaqillik davrida tutgan oʻrni va bugungi kundagi burchi haqida soʻz yuritildi.
Shundan soʻng, Institut boshligʻi, polkovnik Olimjon Axmedov tomonidan oʻz xizmat burchiga masʼuliyat bilan yondashib, jangovar va kasbiy tayyorgarlik mashgʻulotlarida safdoshlariga oʻrnak boʻlib kelayotgan professor-oʻqituvchilar va xodimlar bayram munosabati bilan Ichki ishlar vaziri va Institut boshligʻi buyrugʻi bilan ragʻbatlantirilgan mukofotlar topshirildi.
Bunday tadbirlar orqali xizmat burchini ado etayotgan xodimlarda yurtga muhabbat, halollik va masʼuliyat tuygʻusi yanada kuchayadi.
IIV Malaka oshirish instituti