Fargʻona viloyati IIB rahbariyati tomonidan xizmat burchida halok boʻlgan xodimlar oilalari holidan xabar olindi
2025-08-31 09:00:00 / Yangiliklar
Mustaqillik bayrami arafasida, viloyati IIB boshligʻi, general-mayor Azizbek Ikramov xizmat burchida halok boʻlgan ichki ishlar organlari xodimlari oilalari holidan xabar oldi.
Tashrif davomida Dangʻara tumanida mayor Mardonqulov Nodirjon Qodirjonovich, Furqat tumanida kapitan Qurbonov Rustamjon Baxodirovich hamda Oʻzbekiston tumanida katta leytenant Mirzayev Rustamjon Islomovichning oila-aʼzolari bilan uchrashib, ularning holidan xabar olindi.
Uchrashuvlarda marhum xodimlarning xotirasi yod etildi, oilalari bilan suhbat oʻtkazilib, zarur moddiy va maʼnaviy koʻmak koʻrsatildi.
El-yurtimiz tinchligi, osoyishtaligi va farzandlarimiz kelajagi yoʻlida oʻz hayotini fido etgan qahramonlar xotirasi doimo yuragimizda yashaydi.
Fargʻona viloyati IIB Axborot xizmati