IIV Qorovul qoʻshinlari harbiy xizmatchilari Ijtimoiy himoya markazidagi nuroniylar va mehribonlik uyi tarbiyalanuvchilari holidan xabar olishdi
2025-08-29 11:35:00 / Yangiliklar
Oʻzbekiston Respublikasi Davlat Mustaqilligining 34-yillik bayrami oldidan Ijtimoiy himoya oyligi doirasida, Andijon shahrida joylashgan qoʻshinga qarashli 7553-harbiy qism bir guruh harbiy xizmatchilari, viloyat Ijtimoiy himoya markazida yoshi ulugʻ, koʻmakka muhtoj keksalar holidan xabar olishdi, ular bilan dildan suhbatlashgan holda, shaxmat-shashka oʻyinlari tashkil etildi, shuningdek, markazdagi nuroniy otaxon va onaxonlar kayfiyatlarini biroz boʻlsada koʻtarish, maqsadida konsert dasturi ham namoyish etildi.
Toshkent shahrida ham ushbu tashabbus davom ettirilib, unda 7531-harbiy qism harbiy xizmatchilari poytaxtimizning Mirobod tumanida joylashgan Oʻzbekiston Respublikasi Prezidenti huzuridagi Ijtimoiy milliy himoya agentligi
30-son mehribonlik uyida boʻlib, ushbu dargohda mehrga muhtoj bolajonlar holidan xabar olishdi, qoʻmondonlik ashula va raqs ansambli tomonidan bolajonlarning murgʻak qalblarida vatanparvarlik tuygʻularini tarannum etish, hamda ularga bayramona xush kayfiyat taqdim etish maqsadida qiziqarli chiqishlar va konsert dasturlari namoyish etildi.
Eng ulugʻ va eng aziz bayramimiz oldidan tashkil etilayotgan bu kabi tadbirlar, maʼnaviy, ijtimoiy mehr va koʻmakka muhtoj yurtdoshlarimizni har tomonlama qoʻllab-quvvatlashga xizmat qilayotganligi bilan ahamiyatlidir.
IIV Qorovul qoʻshinlari qoʻmondonligi Axborot guruhi