Navoiyda “Eng yaxshi hududiy ichki ishlar organi boshligʻi” koʻrik-tanlovining viloyat bosqichi oʻtkazildi
2025-08-28 09:00:00 / Yangiliklar
Mutaxassis xodimlarni ragʻbatlantirish, ularning malakasini oshirish, oʻz ustida ishlashiga imkoniyat yaratish maqsadida bir qator maʼnaviy-maʼrifiy hamda sport tadbirlari tashkil etilmoqda.
Xususan, Navoiy viloyati IIBning barcha shahar-tuman IIB rahbarlari ishtirokida “Eng yaxshi hududiy ichki ishlar organi boshligʻi” koʻrik-tanlovi oʻtkazildi.
Unda ishtirokchilar jismoniy va jangovar tayyorgarlik, xizmatga oid meʼyoriy hujjatlarning yuritilishi boʻyicha yakka tartibdagi suhbat hamda mantiqiy fikrlash darajasini aniqlashga qaratilgan psixologik test sinovi shartlarida oʻzaro bahslashdilar.
Jarayonda ichki ishlar boʻlimlari rahbarlari belgilangan talablar asosida baholandi.
Natijalarga koʻra 3-oʻrinni Konimex tumani Ichki ishlar boʻlimi boshligʻi, 2-oʻrinni Karmana tumani IIB boshligʻi egallagan boʻlsa, 1-oʻringa Xatirchi tumani Ichki ishlar boʻlimi boshligʻi Obidjon Roʻzimurodov munosib koʻrildi va respublika bosqichiga yoʻllanmani qoʻlga kiritdi.
Navoiy viloyati IIB Axborot xizmati