IIV Transport va turizm obyektlarida xavfsizlikni taʼminlash departamentida oʻtkazilgan shaxmat boʻyicha vazir kubogi musobaqada IIV akademiyasi kuchlilar qatorida boʻldi
2025-08-26 13:10:00 / Yangiliklar
Ichki ishlar organlari xodimlari oʻrtasida shaxmatni ommalashtirish maqsadida tashkil qilingan musobaqada vazirlik tarkibiy tuzilmalari va hududiy boʻlinmalaridan 22 ta jamoa, shu jumladan, IIV akademiyasi vakillari ham qatnashdi.
Shiddatli va murosasiz kechgan bahslar yakunida umumjamoa hisobida 1-oʻrin mezbonlarga, 2-oʻrin Qorovul qoʻshinlari qoʻmondonligiga, 3-oʻrin IIV akademiyasiga nasib etdi. Shuningdek, shaxsiy birinchilikda kursantimiz Xurshidbek Rahimov kuchli uchlikdan joy oldi.
Sovrindorlarga kubok, diplom va esdalik sovgʻalari topshirildi.
IIV akademiyasi Axborot xizmati