Ichki ishlar vazirligi rahbariyati tomonidan Xorazm viloyati hududlarida oʻrganishlar olib borilmoqda
2025-08-25 18:45:00 / Yangiliklar
Ichki ishlar vaziri oʻrinbosari, general-mayor Baxodir Yuldashevich Mirzaraximovning Xorazm viloyatida oʻrganishlar olib bormoqda.
Dastlab Urganch shahar Ichki ishlar boshqarmasining xizmat faoliyati oʻrganildi. Shahar hududida huquqbuzarlik va jinoyatning oldini olish borasida profilaktik chora-tadbirlar, profilaktika inspektori, inspektor-psixolog va mahalla yettiligining amalga oshirilayotgan ishlar atroflicha tahlil qilinib, amalga oshirilishi lozim boʻlgan ishlar yuzasidan aniq vazifalar belgilab berildi.
Shuningdek Urganch shahridagi “Mustaqillik“ va “Navbahor“ mahallalari yettiligi manzilli oʻrganilib, aholi bilan doimiy aloqada boʻlish, davlatimiz rahbarining “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish boʻyicha chora-tadbirlar toʻgʻrisida”, shuningdek Vazirlar Mahkamasining “Obod va xavfsiz mahalla” tamoyili asosida mahallalarda ijtimoiy profilaktika tizimi samaradorligini oshirish chora tadbirlari toʻgʻrisida»gi qarorlari ijrosi yuzasidan amalga oshirilgan ishlar bilan yaqindan tanishildi.
Vazir oʻrinbosarining Xorazm viloyatidagi oʻrganishlari davom etmoqda.
Xorazm viloyati IIB Axborot xizmati