Buxoro viloyati IIB boshligʻi tomonidan shaxsiy qabul oʻtkazildi
2025-08-25 11:50:00 / Yangiliklar
Respublikamizda masʼul tashkilot va idoralar rahbarlari tomonidan aholining muammolarini oʻrganish va bartaraf etish bugunning eng dolzarb masalalaridan biriga aylandi. Shu boisdan yurtdoshlarimizning oʻz turmushidan va bugungi kunidan rozi boʻlib yashashini taʼminlash har bir rahbarga alohida masʼuliyat yuklamoqda.
Fuqarolar tomonidan sud-huquq masalalari boʻyicha kelib tushayotgan ariza va shikoyatlarni aholi bilan bevosita muloqot qilish orqali har tomonlama chuqur oʻrganish va qonuniy hal etish, fuqarolarning qonuniy huquq va manfaatlarini himoya qilish, hafta davomida kundalik mehnat faoliyati bilan band boʻlgan aholiga qulaylik yaratish hamda murojaat qiluvchilarning Ichki ishlar organlari rahbarlari bilan ochiq muloqot qilishlarini osonlashtirish maqsadida, bugun 24-avgust kuni Buxoro viloyati ichki ishlar boshqarmasi boshligʻining navbatdagi jismoniy va yuridik shaxslar bilan shaxsiy qabul oʻtkazildi.
Qabul davomida yigirmadan ortiq fuqarolar oʻzlarining tergov — surishtiruv, yoʻl harakati xavfsizligi, moddiy yordam, oila turmush doirasidagi nizolarga barham berish, mol-mulk mojarosi, pul oldi berdi masalasi va boshqa bir qator ichki ishlar sohasiga oid masalalar yuzasidan murojaatlar qilishdi.
Muloqot davomida koʻtarilgan muammolarni ayrimlari hal etilgan boʻlsa, Oʻrganish uchun vaqt talab etiladigan murojaatlar alohida nazoratga olinib, masʼullarga hal etish topshirigʻi berilib ularning ijrosi nazoratga olindi.
Buxoro viloyati IIB Axborot xizmati