Namangan viloyati Yangiqoʻrgʻon tumanidagi “qizil” toifadagi mahallalarda oʻrganish ishlari olib borildi
2025-08-22 09:10:00 / Yangiliklar
Boshqarma rahbariyati tomonidan hududlarda oʻtkazilayotgan oʻrganish ishlari davomida mahallalarda PQ-1-son Qarori ijrosi yuzasidan amalga oshirilgan ishlar tanqidiy ruhda tahlil qilinib, mahalla yettiligi va masʼul xodimlar tomonidan yoʻl qoʻygan kamchiliklarni bartaraf etish va kelgusidagi ustuvor vazifalari belgilab berilmoqda.
Xususan, Namangan viloyati IIB boshligʻi rahbarligidagi ishchi guruh tuman hokimi ishtirokida Yangiqoʻrgʻon tumanida ham shu kabi oʻrganish ishlari olib borib, tumandagi “Qorapolvon”, “Gaznon”, “Soyboʻyi”, “Beshbuloq”, “Yuksalish” va “Boʻston” mahallalarida jinoyatchilikka qarshi kurashish, huquqbuzarliklar profilaktikasi hamda hududlarda xavfsiz muhitni shakllantirish boʻyicha olib borilgan profilaktik chora-tadbirlar atroflicha muhokama qilindi.
Shuningdek, tuman IIB va 1-sonli IIB xodimlarining faoliyati ham oʻrganilib, joriy yilning oʻtgan davridagi ish natijalari tahlil qilindi va kelgusidagi vazifalari belgilab berildi. Shu bilan birga, “Qizilyozi” mahallasi hududidagi nazorat maskani xodimlariga tegishli koʻrsatmalar berildi.
Oʻrganishlar davomida, Qaror ijrosi yuzasidan yetarlicha manzilli ishlar tashkil etmagan masʼul rahbar va xodimlar qatʼiy ogohlantirildi. “Qizil” toifada qolayotgan mahallalarni bosqichma bosqich “sariq” va “yashil” toifalarga oʻtkazish boʻyicha aniq topshiriqlar berildi.
Namangan viloyati IIB Axborot xizmati