Sirdaryo viloyati IIB boshligʻi Yangiyer shahridagi mahallalarda jinoyatchilik va huquqbuzarliklarni barvaqt oldini olish ishlarini oʻrgandi
2025-08-19 12:50:00 / Yangiliklar
Oʻzbekiston Respublikasi Prezidentining 2025-yil 3-yanvar kunidagi PQ 1-son Qarori ijrosini taʼminlash maqsadida Sirdaryo viloyatida aholi orasida huquqbuzarlik va jinoyatlarning oldini olish, fuqarolarning huquqiy ongi va madaniyatini yuksaltirish maqsadida amaliy ishlar yoʻlga qoʻyilgan.
Xususan, Sirdaryo viloyati IIB boshligʻi podpolkovnik Farux Xaydarov Yangiyer shahridagi mahallalarda jinoyatchilik va huquqbuzarliklarni barvaqt oldini olish, mahallada kriminogen vaziyatni barqarorlashtirish borasida amalga oshirilayotgan ishlar bilan tanishdi.
Oʻrganishlar davomida boshqarma boshligʻi mazkur yoʻnalishda amalga oshirilishi zarur boʻlgan vazifalar yuzasidan tegishli koʻrsatma va topshiriqlar berib oʻtdi.
Bundan tashqari, boshqarma boshligʻi uyma-uy yurib fuqarolar bilan yuzma-yuz suhbat qurib, aholining turmush sharoiti, ehtiyoj va takliflarini oʻrgandi. Muammolarni joyida hal qilish maqsadida masʼul rahbarlarga zarur koʻrsatmalar berildi.
Boshqarma boshligʻi taʼkidlaganidek, jinoyatchilikning oldini olishda mahalla faollari, hudud profilaktika inspektorlari va aholining oʻzaro hamkorligi hal qiluvchi ahamiyatga ega. Shu bois, joylarda bu yoʻnalishdagi ishlar izchil davom ettirilmoqda.
Sirdaryo viloyati IIB Axborot xizmati