Namangan viloyatida biriktirilgan oilalar ahvoli va huquqbuzarliklarning oldini olish ishlari oʻrganildi
2025-08-19 11:40:00 / Yangiliklar
Oʻzbekiston Respublikasi Prezidentining 2024-yil 23-sentyabrdagi PQ-330-sonli Qarori – “Kambagʻallikdan farovonlik sari dasturini amalga oshirish boʻyicha birinchi navbatdagi chora-tadbirlar toʻgʻrisida”gi qarori ijrosini taʼminlash maqsadida Namangan viloyati IIB rahbariyati boshchiligidagi ishchi guruh tomonidan hududlarda bir qator amaliy ishlar olib borilmoqda.
Xususan, Namangan tumanining “Urganji” va “Katta Toshbuloq” mahallalarida boʻlib, biriktirilgan oilalarning ijtimoiy-iqtisodiy ahvoli hamda mahallalardagi kriminogen vaziyat atroflicha oʻrganildi. Jarayon davomida xonadonlarning yashash sharoitlari, oilaviy va maishiy muammolarini hal etish borasida amalga oshirilayotgan ishlar koʻzdan kechirildi, oila vakillari bilan suhbat oʻtkazilib, ularning murojaat va takliflari tinglandi.
Shuningdek, jinoyatchilikni oldini olish, huquqbuzarliklarni barvaqt aniqlash va bartaraf etish, jamoat tartibini saqlash hamda yoʻl harakati xavfsizligini taʼminlash yoʻnalishida xizmat olib borayotgan xodimlarning faoliyati tahlil qilindi. Qoʻriqlash xizmati xodimlarining jangovar shayligi, xizmat intizomi va tayyorgarlik darajasi ham baholandi.
Aniqlangan kamchiliklar yuzasidan masʼullarga aniq topshiriq va vazifalar belgilab berilib, aholiga doimiy koʻmak koʻrsatish, shuningdek xodimlarning kasbiy mahorati va xizmat samaradorligini oshirishga qaratilgan koʻrsatmalar berildi.
Namangan viloyati IIB Axborot xizmati