Xalq deputatlari Navoiy viloyati Kengashining navbatdagi 15-sessiyasida viloyat IIB boshligʻining hisoboti tinglandi
2025-08-17 11:55:00 / Yangiliklar
Xalq deputatlari Navoiy viloyati Kengashining navbatdagi sessiyasida viloyat IIB boshligʻi, polkovnik Azat Tasbayev ham ishtirok etib, viloyat hududida qonunchilikni taʼminlash, huquq-tartibotni mustahkamlash, huquqbuzarliklar profilaktikasi va jinoyatchilikka qarshi kurashish maqsadida amalga oshirilgan ishlar va kelgusidagi vazifalar, shuningdek viloyat IIB va uning quyi tuzilmalarida korrupsiyaga qarshi kurashish va oldini olish borasida amalga oshirilgan ishlar toʻgʻrisida maʼruza qildi.
Mahallalarda xavfsiz muhitni yaratish, yoʻl-transport hodisalari sabab va oqibatlarini oʻrganish hamda kiberjinoyatlarga qarshi kurashish boʻyicha amalga oshirilgan ishlar hisoboti oʻqib eshittirildi. Jumladan, viloyatimiz hududida sodir etilishi mumkin boʻlgan salbiy holatlarning oldini olishda keng jamoatchilikni birdamlikka chaqirdi.
Navoiy viloyati IIB Axborot xizmati