Namangan viloyati Mingbuloq tumanida “qizil” toifadagi mahallalarda oʻrganish ishlari olib borildi
2025-08-17 11:15:00 / Yangiliklar
Namangan viloyati Ichki ishlar boshqarmasi boshligʻi rahbarligidagi ishchi guruh hafta davomida Chust va Pop tumanlarida olib borilgan oʻrganishlardan soʻng, navbatdagi ishlarini Mingbuloq tumanida davom ettirdi.
Oʻrganishlar jarayonida ishchi guruh tuman hokimi bilan birgalikda “Birlashgan”, “Mehnatobod” va “Oybek” mahallalarida boʻlib, yettilik aʼzolari hamda mahallaga biriktirilgan masʼullarning faoliyati atroflicha oʻrganildi. Hisobotlar tinglanib, mavjud kamchilik va muammolar yuzasidan aniq tahlillar oʻtkazildi hamda ularni bartaraf etish boʻyicha tuman hokimligi va masʼul rahbarlarga kelgusidagi vazifalar belgilab olindi.
Shuningdek, tuman hududida “qizil” toifadan PQ-1-son Qaroriga muvofiq manzilli ishlar va profilaktik tadbirlar olib borilishi natijasida “sariq” va “yashil” toifaga oʻtgan mahallalarning ijobiy tajribasini keng ommalashtirish boʻyicha topshiriqlar berildi. Kriminogen vaziyatni barqaror holda saqlash va jinoyatchilikka qarshi kurashish boʻyicha aniq chora-tadbirlar belgilandi.
Namangan viloyati IIB Axborot xizmati