Sirdaryo viloyati Guliston shahrida jinoyatchilik va huquqbuzarliklarni barvaqt oldini olish ishlari oʻrganildi
2025-08-16 23:45:00 / Yangiliklar
Sirdaryo viloyati Ichki ishlar boshqarmasi boshligʻi Guliston shahrida jinoyatchilik va huquqbuzarliklarni barvaqt oldini olish, mahallalarda kriminogen vaziyatni barqarorlashtirish borasida amalga oshirilayotgan ishlar bilan tanishdi.
Oʻrganishlar davomida boshqarma boshligʻi Guliston shaharning qizil toifadagi “Taraqqiyot” mahallasida boʻlib, mahalla yettiligi bilan hamkorlikda amalga oshirilgan profilaktik tadbirlar, shuningdek, Davlatimiz rahbarining PQ 1-sonli qarori asosida ishlab chiqilgan “Yoʻl xaritasi” ijrosi boʻyicha olib borilayotgan ishlar holati bilan tanishdi. Mazkur yoʻnalishda amalga oshirilishi zarur boʻlgan vazifalar yuzasidan tegishli koʻrsatma va topshiriqlar berildi. Shuningdek, mahallada faoliyat yuritayotgan tadbirkorlik subyektlari faoliyati oʻrganilib, ularning ish sharoiti va imkoniyatlarini yanada kengaytirish masalalari koʻrib chiqildi.
Tashrif davomida boshqarma boshligʻi Jamoat tartibini saqlash boʻlimi huzuridagi Maxsus qabulxonaga ham borib, u yerda fuqarolar uchun yaratilgan sharoitlar va xodimlarning ish faoliyatini oʻrgandi.
Sirdaryo viloyati IIB Axborot xizmati