IIV JXD YHXX rahbariyati tomonidan aholining murojaatlarini joyiga chiqqan holda oʻrganish, mavjud muammolarni bevosita mahallarda yechim topish maqsadida Buxoro viloyatida sayyor qabul tashkil etildi
2025-08-16 17:35:00 / Yangiliklar
Qabul davomida fuqarolarning kundalik hayotida dolzarb boʻlgan masalalar, jumladan, piyodalar xavfsizligi, maktab va taʼlim muassasalari atrofida yoʻl belgilari oʻrnatilishi, svetofor va yoʻl chiziqlarining yangilanishi kabi muammolar tinglandi.
Fuqarolarning murojaatlari rahbariyat tomonidan sinchkovlik bilan koʻrib chiqilib, aksariyat masalalar joyida hal qilindi, qoʻshimcha vaqt talab etadigan muammolar boʻyicha esa masʼullarga aniq topshiriqlar berildi.
Uchrashuvda fuqarolarning faol ishtiroki, ularning muammolarini ochiq bayon qilishi va takliflar bildirishlari sayyor qabullarning haqiqiy samara berayotganini koʻrsatdi. Shuningdek, fuqarolar tomonidan ilgari surilgan tashabbuslar asosida kelgusida bir qator loyihalar amalga oshirilishi rejalashtirilmoqda.
Buxoro viloyatida tashkil etilgan mazkur sayyor qabul aholining huquq va manfaatlarini himoya qilish, yoʻl harakati xavfsizligini yanada mustahkamlash hamda davlat organlari va fuqarolar oʻrtasida ochiq muloqot tizimini rivojlantirish yoʻlida muhim qadam boʻldi.
IIV JXD YHXX Axborot xizmati