IIV Qorovul qoʻshinlari qoʻmondoni Navoiy viloyatida joylashgan 7532-harbiy qismga tashrif buyurdi
2025-08-16 13:00:00 / Yangiliklar
Qorovul qoʻshinlari qoʻmondoni polkovnik Xasan Batirov harbiy qismga tashrif buyurib, shaxsiy tarkibga harbiy, kasbiy faoliyatini halol va vijdonan bajarishlari, jangovar va jismoniy tayyorgarliklarini aʼlo darajada saqlashi, qonunchilik va harbiy intizomga qatʼiy amal qilgan holda yuklatilgan sharafli va masʼuliyatli vazifalarni sidqidildan bajarishlari haqida taʼkidlab, harbiy xizmatchilar bilan uchrashdi hamda ularning ahvoli, qiynayotgan muammolari va fikr mulohazalarini oʻrgandi.
Harbiy qismda oʻrganishlar davomida – sohaviy yoʻnalishlar boʻyicha amalga oshirilayotgan ishlar, mavjud muammolar, yaratilgan shart-sharoitlar, ijtimoiy va moddiy texnik taʼminot, shaxsiy tarkib jangovar, jismoniy tayyorgarligi hamda kundalik faoliyat bilan yaqindan tanishdi.
Tashrif yakunida, qoʻshin qoʻmondoni tomonidan joriy yilning shu davriga nisbatan harbiy qism umumiy faoliyati tahlil qilinib, oʻz xizmat faoliyatlari boʻyicha nuqson va kamchiliklarni yoʻl qoʻygan mansabdor shaxslarga eʼtiroz bildirib, ularni bartaraf etish hamda xizmat faoliyatini samarali tashkil etish boʻyicha aniq vazifalar belgilab berildi.
IIV Qorovul qoʻshinlari qoʻmondonligi axborot guruhi