«Navroʻz» umumxalq bayrami munosabati bilan Ichki ishlar vaziri oʻrinbosari general-mayor Baxodir Mirzaraximov tomonidan Transport va turizm obyektlarida xavfsizlikni taʼminlash departamenti bir guruh xodimlari taqdirlandilar
2024-03-25 12:00:00 / Yangiliklar
Joriy yilning 25-mart kuni Ichki ishlar vaziri oʻrinbosari general-mayor Baxodir Yuldashevich Mirzaraximov tomonidan Transport va turizm obyektlarida xavfsizlikni taʼminlash departamenti shaxsiy tarkibi bilan navbatdagi yigʻilish oʻtkazildi.
Mazkur yigʻilishda dastlab, boshqarma, boʻlim va boʻlinma rahbarlarining mazkur hafta davomida amalga oshirilishi lozim boʻlgan ishlar, transport obyektlaridagi jinoyatchilik va huquqbuzarliklar hamda ijtimoiy-kriminogen vaziyatga salbiy taʼsir etuvchi omillar chuqur tahlillar asosida oʻrganilib, ularni bartaraf etish yuzasidan aniq va manzilli chora-tadbirlar belgilandi.
Shuningdek, vazir oʻrinbosari tomonidan dunyodagi boʻlayotgan oʻzgarishlar, yuzaga kelayotgan xavf-xatarlar haqida toʻxtalib, yurtimizda tinchlik va osoyishtalikni taʼminlashda eng avvalo jangovar vazifalarni aʼlo darajada bajarish, tinchlikdek bebaho neʼmatni chuqur anglagan holda unga barchamiz masʼul ekanimizni unutmasdan, doimo sergak va ogoh boʻlib xizmat qilish kerakligi haqida soʻz yuritdilar.
Shuningdek, «Navroʻz» umumxalq bayrami munosabati bilan vazir oʻrinbosari tomonidan xizmat vazifasiga sidqidildan yondashib, jinoyatchilikka qarshi kurashish va huquq-tartibotni taʼminlash borasida hamkasblari orasida alohida oʻrnak boʻlib kelayotgan Transport va turizm obyektlarida xavfsizlikni taʼminlash departamentining bir guruh xodimlariga ikkinchi va uchinchi darajali «Ichki ishlar organlarida benuqson xizmatlari uchun» koʻkrak nishoni, Ichki ishlar vazirining «Faxriy yorligʻi», Ichki ishlar vazirining esdalik qoʻl soati va pul mukofotlari bilan taqdirlandilar.
IIV Transport va turizm obyektlarida xavfsizlikni taʼminlash departamenti Axborot guruhi