Namangan viloyati Chust tumanida mahallalarni oʻrganish ishlari olib borildi
2025-08-14 09:40:00 / Yangiliklar
Namangan viloyati Ichki ishlar boshqarmasi ishchi guruhi tomonidan viloyat hududidagi “qizil” toifadagi mahallalarda jinoyatchilik va huquqbuzarliklarning oldini olish, “sariq” hamda “yashil” toifadagi mahallalarda esa xavfsiz muhitni barqaror saqlash boʻyicha amalga oshirilayotgan ishlar tizimli ravishda oʻrganilmoqda. Oʻrganishlar jarayonida aniqlangan kamchiliklar va muammolarni bartaraf etish boʻyicha zarur choralar koʻrilmoqda.
Boshqarma boshligʻi rahbarligidagi ishchi guruh Chust tumanida boʻlib, “Munchoqtepa”, “Toshqoʻrgʻon”, “Tepaqoʻrgʻon”, “Pansada”, “Guliston”, “Birlik” va “Chustnon-doʻstlarobod” mahallalari yettiligi hamda tuman ichki ishlar boʻlimining joriy yilning oʻtgan davridagi faoliyati tanqidiy ruhda muhokama qilindi. Aniqlangan kamchiliklarni bartaraf etish boʻyicha aniq topshiriqlar berilib, bunga yoʻl qoʻygan rahbar va xodimlar qatʼiy ogohlantirildi.
Oʻrganishlar davomida yil boshida “qizil” toifaga kirgan va manzilli chora-tadbirlar natijasida hozirda “sariq” hamda “yashil” toifaga oʻtgan mahallalardagi ijobiy tajribalarni umumlashtirish va ushbu tajribalarni boshqa “qizil” toifadagi mahallalarda qoʻllash boʻyicha masʼullarga tegishli vazifalar yuklatildi.
Namangan viloyati IIB Axborot xizmati