Buxoro viloyati Ichki ishlar boshqarmasi boshligʻi tomonidan Kogon tumanida sayyor qabul tashkil etildi
2025-08-14 09:35:00 / Yangiliklar
Qabul davomida fuqarolarning 10 ga yaqin murojaatlari atroflicha oʻrganilib, ularni hal etish boʻyicha tegishli choralar belgilandi.
Qabuldan soʻng, Bahovuddin Naqshband mahallasi “yettilik” vakillari tomonidan jinoyatchilikni oldini olish, profilaktika ishlarini samarali tashkil etish masalalari muhokama qilindi.
Tadbirlar doirasida Probatsiya nazoratida boʻlgan fuqarolar bilan ham alohida uchrashuv tashkil etilib, ularning ijtimoiy moslashuvi, ishga joylashish holati, oilaviy sharoiti va kelgusida jinoyatga qayta yoʻl qoʻymaslik boʻyicha muloqotlar oʻtkazildi.
Boshqarma boshligʻi “Migratsiya haftaligi” doirasida uzoq muddat xorijda boʻlib qaytgan va xorijda yurgan fuqarolarning xonadonlarida oʻrganishlar oʻtkazib, ularni ish bilan taʼminlash, jinoyatchilik va huquqbuzarliklarning oldini olishga qaratilgan profilaktik suhbatlar oʻtkazdi.
Buxoro viloyati IIB Axborot xizmati