IIV huzuridagi Tergov departamenti rahbariyati tomonidan navbatdagi shaxsiy qabul oʻtkazildi
2025-08-13 18:10:00 / Yangiliklar
Fuqarolarning murojaatlari bilan ishlash tizimi samaradorligini oshirish maqsadida Ichki ishlar vazirligi huzuridagi Tergov departamenti tomonidan muntazam ravishda shaxsiy va sayyor qabullar oʻtkazib kelinmoqda.
Aholi bilan toʻgʻridan-toʻgʻri muloqotni kengaytirish, mavjud muammolarni aniqlash, ularni bevosita joyida bartaraf etish maqsadida joriy yilning 12-avgust kuni Tergov departamenti rahbariyatining shaxsiy qabuli oʻtkazildi.
Qabul davomida jami 158 nafar fuqarolarning 80 dan ortiq murojaatlari oʻrganildi. Murojaatlarning asosiy qismi tergov faoliyatiga taalluqli boʻlib, huquqbuzarliklar profilaktikasi hamda migratsiya va personallashtirish yoʻnalishlaridagi masalalar ham koʻrib chiqildi.
Kelib tushgan murojaatlarning 24 tasi yoki 28,5 foizi joyida qanoatlantirildi, 11 tasi yoki 13,1 foiziga tushuntirish berildi, 49 tasi yoki 58 foizi qoʻshimcha oʻrganish talab etganligi bois masʼul rahbarlarga topshiriqlar berildi va ijrosi nazoratga olindi.
Shuningdek, ikki nafar fuqarolar tomonidan muammosi muvaffaqiyatli hal etilgani yuzasidan minnatdorchiliklar bildirildi.
Bu kabi qabullar kelgusida ham davom ettiriladi.
IIV huzuridagi Tergov departamenti